Gaafa dambiin baala raase
Gaafa dambii baala baase
Odaarrati gooba kaase
keesummummaa wallaalee
ofittummaa hasaase
kopheen itti ijjate
hargufee jirma raase
gaafa tulluun lafat dhaadate
dhakaan dachee komate
otoo Kan baate jiruu Kan baatame hifate
odaan qoree guddisee
oollaa wajjiin qubate
qoreen duruu gantuudha
odaa waraanuutti kaate
odaan qoreen michoome
waan hin eeyne mudate
silaa sagalee hin qabuu
harkaan madaa rigate
waraansan dhukkubsate
boohe imimmaan fixate
ofekkeessatii qunqunfate
garaan boohee watwaate
sagalee isaat ukkaamame
Yoom olfuudhee dubbate
odaan sagalee hin qabu kanaaf hin dubbatu
gaaddisa isaat boqota malee
namuu rakkoo isaa hin hubatu
gurmuun afaan odaati
sagalee haqaaf qiiliftu
gareen gurmuu media
warra dhugaaf dhaabbatu
dubbiitti sookoof soorgo
jecha dhokataat dubbata
harsama namaa mitii
hayyut laalee hubata
odaa jechuun Oromoo
Isa dagaagee bargaage
oromummaas fakkaata
nama gingilchee baaqe
odaan sagalee dhabe
jedhee hiibboon dubbataa
sagalee jechuun media
kana namuu ni hubataa
media Afaan Oromoo
bayyatus akka baalaa
Isa oromoof dhaabbatu
Kan gartuu tokkotu caala
media baayyee qabaannus
nuti Akka biyyaattuu
Kan bilisaaf walabaa
tokkoo nutti hin mullatu
kanaaf nuti dhugaadhaaf
mudhii teenna hidhanne
sagalee walabaa ta’uu
ijjannoo buqqifanne
nutii jabeny hin qabnuu
garuu isin abdanne
Channel gurmuu media
kuusaaf madda artistoo
barsiisa aadaaf seenaa
of ilaallee dhaloota
sagalee hawaasa balla’aa
malaa marii hayyoota
qajeechituu dhugaa dabee
hafuura warra sagalee dhabee
oromummaaf calaqqee
hawaasummaaf diinaggee
dhaloota qaat dammaqe
jajjabee walitti naqee
ol guddisuuf onnannee
saba keennaf dhabbanne
garuu isin abdanne
gurmuu media guddisaa
addunyaatti nu mullisaa
subscribe like bokkaa itti roobdisa
yaadan nufaana ta’aa
balleessinu nu gorsaa
qeeqaaf gorsas Yoo ta’e
yaannii keessan nuuf qorsaa
galatoomaa🙏
10/01/2026