silaa warra baaletif galatatu male!
Kenni jennaa hagami
demmi jennaan garamii
loli jennaa dhukaasuu
himi jennaan gabaasuu
isaanuu ajaja hin didanii
garuu badiin isaanii maal
mee maalumaaf buqqifamanii
mee badiin isaanii maali
maalif akkas Rakkatu
manana isaanii diigdanii
maaf lafarraa buqqiftuu
qabeenyi isaanii yakkamee
maaf ibiddaan gubatuu
isaanuu garraamiidha
garaa isaanii jabaatu
warra lubbuu isaa kennee
uumamtootaf jiraatu
warra madaa ofii obse
tan namaa dhukkubsatu
warra itti himaa male
achi laalee hubatu
warra oolmaan isaa guddaa
warra galata qabu
Harra dabaree isaanii
maalif birmannaa dhabu
warra si sooruu malee
takkaa sooratee hin beeyne
Kan tole si qarqaaruu
homaa sirraa hin eeyne
gaafa isa dirqamaan
biyya isaarraa kaasanu
qa’eef qabeenya isaa
gadi dhiisee godaanu
qe’eetti roorifamee
nagaa dhabee rakkatuuu
Inni maaf of biraa dhabe
nama isaaf dhaabbatu
maalif birmanna dhabe
gaafa inni iyyatu
maalif sagalee dhabe
gaafa inni watwaatuu
maaf isaaf rifuu dhabde
maali garaa si hin nyaatu
--------------2--------------
biyya kana jaarrachuuf
Abbootarraa jalqabee
lafee duyaddaa itti cabee
harkaa harma itti dhabee
kennaa manat hin hafne
dafqi matat hin hafne
dawoo nagaa jaarrachuuf
lubbuu isaa hin qusannee
garuu badiin isa maalii
maaf jiraachuu hin dandeennee
biyyuma teenna jedhee
aarsaa itti kaffalle
dhiphinaaf yaaddoo itti ta’ee
baahee galuu wallaalee
akkuma bullee ka’uun inumaa itti caalle
biyyi isaanii tanuma
biyya biraa hin qabni
biyyi isaanii keessatti garuu
jiruu gammachuu hin qabab
jiraatan nagaa hin qaban
duunu awwacha hin qaban
iyyan birmanna hin qaban
badan barbaacha hin qaban
dhukkubaa goomaata hin qaban
biyyuma isaanii keessat
jiraatu jiruu raachaa
takkaa jilmaan buqqa’aa
takkaa ammoo qubachaa
takka jilmaan dhumani
takkaa amoo jiraachaa
takka biyya godaanaa
gadhiisanii baqachaa
akkuma bulaa ka’aniin
jiruun itti hammaachaa
jireenya maali mitii
jiruu jaldeessa gaaraa
jiruu weennii mukarra
jiruu tafkii okkoltuu
jiruu tiittee bararaa
biyyi nuti jaalannu
Kan nuti marafannu
Kan lubbuu aarsaa goonee
diinarraa hambifannu
ofiif nuuf biqilchiti
diinaa garaa jabbatu
Kan dirqamaan nu dhiibee
biyyarraa nu kaafatu
qa’eef qabeenya keenna
ormatti gurguratu
baayyee nutti jabaatee
Rabbiin nu haa yaadatu
10/01/2026